19 Oктября, 2020

ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის

COVID 19-ით ინფიცირებულთა მატებასთან ერთად, იმატა PCR ტესტირების საჭიროების მქონე პაციენტთა რაოდენობამ. მნიშვნელოვანია,მომხმარებლებისთვის პროცესი იყოს მაქსიმალურად უსაფრთხო.

19 ოქტომბრიდან ევექსის თბილისის პოლიკლინიკებში COVID 19-ის PCR ტესტირების სერვისზე მოქმედებს შემდეგი წესები:

  • PCR ტესტირებისთვის მიმდინარეობს წინასწარი ჩაწერა. იმისთვის რომ კლინიკაში მაქსიმალურად დავიცვათ უსაფრთოების ნორმები, სერვისზე წინასწარ ჩასაწერად დაგვიკავშირდით ცხელ ხაზზე: 2 55 05 05.
  • წინასწარი ჩაწერის დროს მომხმარებლებს შევთავაზებთ ევექსის პოლიკლინიკას, სადაც კვლევის ჩატარება შესაძლებელი იქნება არაუგვიანეს 24 საათისა.
  • მაღალი მომართვიანობის შემთხვევაში თუ ვერ უზრუნველვყოფთ არაუგვიანეს 24 საათისა თქვენს ჩაწერას PCR კვლევაზე, შეგეძლებათ კვლევა ჩაიტაროთ თბილისში არსებულ 100-მდე სხვა სამედიცინო დაწესებულებაში,  სადაც შესაძლებელია აღნიშნული სერვისის მიღება.
  • PCR ტესტირება ჩატარდება თბილისში პოლიკლინიკების მიმდებარედ, ღია სივრცეში, სპეციალურად აღჭურვილ კარვებში, რაც საშუალებას მოგვცემს ეფექტურად გავმიჯნოთ პაციენტთა ნაკადები და მაქსიმალურად შევამციროთ COVID 19-ის რისკები.

შეგახსენებთ, COVID 19-ის PCR ტესტირების საჭიროების მქონე პირებს ევექსის პოლიკლინიკების გარდა შეუძლიათ კვლევა ჩაიტარონ დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ განსაზღვრულ თბილისის სხვა ლაბორატორიებსა და სამედიცინო დაწესებულებებში. დეტალური ინფორმაცია იხილიეთ ლინკზე: https://www.ncdc.ge/pages/user/News.aspx?ID=96bb23b3-c443-4cef-bfb4-18fb26b143fd&fbclid=IwAR2rSAa_oRA0aecNP-WVAjgT0FlTL6TfBessABJm_ryNhjNzL4rHOjczfL8

ევექსის პოლიკლინიკებში სერვისის მართვა ხორციელდება უსაფრთხოების გამკაცრებული ზომების დაცვით. მოვუწოდებთ მომხმარებლებს მაქსიმალურად გაითვალისწინონ და დაიცვან მოწოდებული რეკომენდაციები.

ჯანმრთელობას გისურვებთ,

ევექსი კლინიკები